ព្រះគម្ពីរ កំណើតអុីសាក់

    ព្រះអម្ចាស់បានប្រទានព្រះបន្ទូលសន្យាពិសេសមួយដល់លោកអាប់រ៉ាម។ ទ្រង់មានព្រះបន្ទូលសន្យាថា នឹងប្រទានអោយលោកអាប៉រ៉ាម និងប្រពន្ធគាត់មានកូនប្រុសមួយ។ សម្រាប់ជាការរំលឹកនូវព្រះបន្ទូលសន្យារបស់       ព្រះអង្គទ្រង់បានផ្លាស់ប្ដូឈ្មោះលោក អាប់រ៉ាមទៅជា អប្រាហាំវិញ។ អប្រាហាំមានន័យថា "ឪពុកនៃប្រជាជាតិដ៏ច្រើន"។ លោក អប្រាហាំ និងប្រពន្ធគាត់ នាងសារ៉ាបាន រង់ចាំជាច្រើនឆ្នាំ ប៉ុន្តែ ពួកគេនៅតែមិនទាន់មានកូនទៀត។ លោក អប្រាហាំនៅ តែមិនទាន់ឈប់ជឿលើ ព្រះបន្ទូលសន្យារបស់ព្រះអម្ចាស់ឡើយ។

      តាអប្រាហាំ និងយាយសារ៉ាមានវ័យកាន់តែចាស់ទៅៗ ​គឺចាស់ជាងយាយតាសព្វថ្ងៃនេះទៅទៀត។ ថ្ងៃមួយមានទេវតាខ្លះបានមកលេងផ្ទះលោកអប្រាហាំ ហើយមានព្រះបន្ទូលថា "ឆ្នាំក្រោយ សារ៉ា នឹងមានកូនប្រុសមួយ"។

       ពេលនោះយាយសារ៉ាកំពុងតែអង្គុយក្នុងត្រសាល ស្ដាប់ តាអប្រាហាំ និងទេវតានិយាយគ្នា។​ នៅពេលយាយលឺសំដីរបស់ទេវតានិយាយដូចច្នេះ គាត់ក៏សើច។ យាយ និងតាអប្រាហាំមានអាយុជិតមួយរយឆ្នាំទៅហើយ ! យាយ ដឹងថាគ្មាននណារម្នាក់ អាយុដូចគាត់ធ្លាប់មានកូននោះទេ។ គាត់ ចាស់ណាស់ទៅហើយ ! ទេវតា ដឹងថាគាត់បានសើច។ ពួកគេពោលថា "តើមានអ្វី ដែលពិបាកសំរាប់ ព្រះអម្ចាស់ ឬទេ?" ។

       ព្រះអម្ចាស់បានរក្សាព្រះបន្ទូលសន្យាដល់អប្រាហាំ និងយាយសារ៉ា ។ មួយឆ្នាំក្រោយមក យាយសារ៉ាបានមានកូនប្រុសមួយ ដូចដែលព្រះជាម្ចាស់មានព្រះបន្ទូលប្រាប់មែន។

សូមអានបន្ថែមៈ