God makes a promise.
ផែនដីត្រូវបានគ្របដណ្ដប់ដោយទឹកអស់រយះពេលយ៉ាងយូរ។ នៅទីបំផុតទឹកបានស្រករហូតល្មមអោយបាតទូកគឿងនៅលើកំពូលភ្នំមួយ។ផែនដីចាប់ផ្ដើមស្ងួតឡើងៗ។
លោកណូអេ និងគ្រូសារគាត់ ព្រមទាំងសត្វទាំងអស់បានស្នាក់នៅក្នុងទូកអស់រយះពេលជាច្រើនថ្ងៃ។ នៅពេលដែលផែនដីស្ងួតល្មមហើយ ព្រះជាម្ចាស់បានមានព្រះបន្ទូលប្រាប់លោកណូអេ អោយចេញពីទូក។ គ្រួសារលោកណូអេ ប្រហែលជាមានចិត្តរំភើបរីករាយណាស់! ចំណែកឯពួកសត្វទាំងអស់ ក៏ប្រហែលជារំភើបរីករាយដែរ មិនខាន! គេត្រូវចំណាយអស់រយះពេលយ៉ាងយូរទំរាំតែពួកគេអាចដើរ ឬ ឡើង ឬ លូននៅលើដីស្ងួតបាន។
បន្ទាប់ពីពេលដែលគាត់បានលែងសត្វចេញពីទូកអស់ហើយ លោកណូអេបានសង់អាសនាមួយ គឺជាកន្លែងពិសេសដើម្បីថ្វាយបង្គំព្រះ។ លោកណូអេបានអរព្រះគុណចំពោះព្រះជាម្ចាស់សម្រាប់ការថែរក្សាគ្រួសារគាត់ អោយមានសុវត្តិភាពក្នុងអំឡុងពេលទឹកជំនន់។
ព្រះអម្ចាស់បានសព្វព្រះហឬទ័យខ្លាំងណាស់ ដែលលឺលោកណូអេអធិស្ធាន។ ទ្រង់បានសន្យាដល់លោកណូអេថា ទ្រង់នឹងមិនបំផ្លាញជីវិតដោយសារ ទឹកជំនន់ដ៍ធំនេះ ម្ដងទៀតឡើយ។ ព្រះអម្ចាស់បានដាក់ឥន្ទធនូនៅលើមេឃ ដើម្បីរំលឹកដល់មនុស្សគ្រប់គ្នា អំពីសេចក្ដីសន្យារបស់ទ្រង់។