Jesus talks to Saul
លោកសូលបានគិតច្បាស់នៅក្នុងចិត្តថា ពួកមិត្តសំឡាញ់របស់ព្រះយេស៊ូវកំពុងតែនិយាយកុហក់ទាំងអស់ ។ លោកសូលមិនបានជឿទេថា ព្រះយេស៊ូវគឺជាព្រះរាជបុត្រា នៃព្រះជាម្ចាស់ ។ លោកសូលបានមានចិត្តចង់បង្ខំអោយមនុស្សទាំងអស់ឈប់និយាយ អំពីព្រះយេស៊ូវទៀត ។ លោកសូលខឹងសម្បារជាខ្លាំង រហូតដល់មានចិត្តចង់សម្លាប់មនុស្សណាដែលបានជឿដល់ព្រះយេស៊ូវថែមទៀតផង!
លោកសូលបានទៅឯទីក្រុងដាម៉ាស់ដើម្បីនិងស្វែងរកអស់អ្នកណាដែលបានជឿដល់ព្រះយេស៊ូវ ហើយចាប់ពួកគេទាំងអស់ជាអ្នកទោស ដើម្បីបញ្ចូនទៅឯទីក្រុងយេរូសាឡឹម ។ ខណៈពេលដែលគាត់បានដើរតាមផ្លូវជាមូយ និងមិត្តសំឡាញ់ខ្លះរំពេចនោះស្រាប់តែមានពន្លឺមូយចាំងយ៉ាងខ្លាំងបានជះមកជុំវិញខ្លូនលោកសូល។ លោកសូលបានដួលចុះដល់ដី ។ ព្រះយេស៊ូវបានមានព្រះបន្ទូលទៅកាន់លោកសូលថា " ហេតុអ្វីបានជាអ្នកធ្វើទុក្ខដល់ខ្ញុំដូចច្នេះ ? ចូលទៅឯទីក្រុងដាម៉ាស់ទៅ នោះនិងមានគេប្រាប់អ្នកពីអ្វី ដែលអ្នកត្រូវធ្វើហើយ" ។ លោកសូលបានក្រោកឡើង ប៉ុន្តែគាត់មិនបានមើលអ្វីឃើញទេ។ មិត្តសំឡាញ់លោកសូលបានជូយលោកសូលអោយដើរទៅឯទីក្រុងដាម៉ាស់។
រយះពេលបីថ្ងៃដែលលោកសូលបានខ្វាក់ គាត់មិនបានបរិភោគអ្វីសោះ ។ គាត់បានអធិស្ធានទៅព្រះ ។ ព្រះជាម្ចាស់បានបញ្ចូនបុរសម្នាក់ដែលស្រឡាញ់ព្រះយេស៊ូវអោយមកជូយលោកសូល។ បុរសនោះបានទៅឯផ្ទះមូយដែលជាកន្លែងលោកសូលកំពុងតែស្នាក់នៅ ក៏តាំងនិយាយថា " ព្រះជាម្ចាស់បានបញ្ជូនខ្ញុំមក ដើម្បីអោយអ្នកបានភ្លឺភ្នែកឡើងវិញ " ។ ភ្លាមនោះលោកសូលអាចមើលឃើញបាន ឡើងវិញមែន។ ឥឡូវនេះ លោកសូលបានស្រឡាញ់ និង បានស្ដាប់តាមបង្គាប់ ព្រះយេស៊ូវវិញ ៕