God sends the Holy Spirit.
បន្ទាប់ពីពេលដែលព្រះយេស៊ូវបានយាងទៅឯស្ថានសួគ៌វិញ ពួកមិត្តសំឡាញ់របស់ ទ្រង់ទាំងអស់គ្នាបានអធិស្ឋាន និង ស្នាក់នៅជុំគ្នានៅក្នុងទីក្រុងយេរូសាឡឹម ។ នៅពេល ព្រឹកមួយនោះ មានឮសូរសម្លេងហាក់ដូចជាខ្យល់បក់យ៉ាងខ្លាំងពេញនៅក្នុងផ្ទះដែលពួក គេកំពុងតែស្នាក់នៅនោះ ។ ស្រាប់តែមានដូចជាអណ្តាតភ្លើងតូចមួយ បានមកទុំនៅពីលើ ក្បាលមនុស្សគ្រប់ៗគ្នា! ទីបំផុត ព្រះវិញ្ញាណបរិសុទ្ធដែល ព្រះយេស៊ូវបានសន្យានោះ ទ្រង់
បានយាងមកដល់មែន !
មានមនុស្សជាច្រើននាក់ដែលមកពីស្រុកផ្សេងៗ គ្នាកំពុងតែស្នាក់ក្នុងទីក្រុង យេរូសាឡឹម ។ មនុស្សទាំងអស់នេះនិយាយភាសាផ្សេងៗគ្នាជាច្រើន ។ នៅពេលដែល ពួកគេបានឮសម្លេងពួកគេបានមកប្រមូលផ្តុំគ្នាមកនៅជុំវិញផ្ទះនោះ ដើម្បីមើលថា តើ មានរឿងអ្វីកំពុងតកើតឡើងខាងក្នុង ។
ពួកមិត្តសំឡាញ់របស់ព្រះយេស៊ូវបានចាប់ផ្តើមនិយាយភាសាផ្សេងៗពីគ្នាដើម្បី នឹងប្រាប់មនុស្សទាំងអស់អំពីព្រះយេស៊ូវ ។ មនុស្សនៅក្នុងទីក្រុងយេរូសាឡឹមទាំងអស់គ្នា មានការងឿងឆ្ងល់ជាខ្លាំងពីព្រោះពួកគេបាន ឮនូវអ្វីៗដែលមិត្តសំឡាញ់របស់ ព្រះយេស៊ូវ កំពុងតែនិយាយអំពីព្រះយេស៊ូវជាភាសារបស់ពួកគេរៀងៗខ្លួន ! មានមនុស្ស ជាច្រើនបាន ទទួលជឿលើព្រះយេស៊ូវ ហើយបានចាប់ផ្តើមនិយាយប្រាប់ទៅដល់មនុស្ស ដទៃទៀតអំពី ព្រះយេស៊ូវផងដែរ ។