Jesus go back to heaven.
ក្រោយពេលដែលព្រះយេស៊ូទ្រង់មានព្រះជន្មរស់ឡើងវិញ ទ្រង់បានចំណាយពេលជាច្រើនថ្ងៃ ដើម្បីមានព្រះបន្ទូលទៅកាន់មិត្តសំឡាញ់របស់ទ្រង់ទាំងអស់ ។ ថ្ងៃមួយពួកគេបានធ្វើដំណើរឡើងទៅលើកំពូលភ្នំមួយ ។ ព្រះយេស៊ូបានមានព្រះបន្ទូលថា “ចូរប្រាប់មនុស្សទាំងអស់ នៅជុំវិញពិភពលោកទាំងមូលអំពីខ្ញុំ” ។ ព្រះយេស៊ូបានសន្យា ថាព្រះវិញ្ញាណបរិសុទ្ធនឹងយាងចុះមក ដើម្បីធ្វើអោយពួកគេអាចនឹងធ្វើរាល់កិច្ចការទាំងអស់ដែលព្រះយេស៊ូបង្គាប់អោយពួកគេធ្វើបាន ។
បន្ទាប់មក ព្រះយេស៊ូក៏បានយាងត្រឡប់ទៅស្ថានសួគ៍វិញ មិត្តសំឡាញ់របស់ព្រះយេស៊ូទាំងអស់បានសម្លឹងមើលខណៈពេលដែលព្រះយេស៊ូបានយាងឡើងទៅក្នុងអាកាស ។ មិនយូរប៉ុន្មាន ព្រះយេស៊ូត្រូវបានបាំងបាត់ដោយពពកទាំងឡាយ ។ ពួកមិត្តសំឡាញ់របស់ព្រះយេស៊ូមើលលែងឃើញទ្រង់ទៀតហើយ ប៉ុន្តែ ពួកគេរាល់គ្នាចេះតែតាមសម្លឹងមើលទៅលើមេឃមួយសន្ទុះទៀត ។
រំពេចនោះមានទេវតាពីរនាក់បានឈរនៅពីចំហៀងពួកគេ ។ ទេវតាបានសួរពួកគេថា “ហេតុអ្វីបានជាពួកអ្នករាល់គ្នាឈរនៅទីនោះ ហើយសម្លឹងមើលមេឃ ដូច្នេះ ? ព្រះយេស៊ូនឹងយាងត្រឡប់មកវិញនៅថ្ងៃណាមួយតាមបែបដដែលដូចជាអ្នក រាល់គ្នាបានឃើញទ្រង់យាងត្រឡប់ទៅស្ថានសួគ៍យ៉ាងដូច្នេះដែរ” ។ បន្ទាប់មក ពួកមិត្តសំឡាញ់ របស់ព្រះយេស៊ូបានធ្វើដំណើរ ទៅឯទីក្រុងយេរូសាឡឹមវិញ ដើម្បីអធិស្ឋាន និងរង់ចាំព្រះវីញ្ញាណបរិសុទ្ធយាងមក ។