ព្រះគម្ពីរ ព្រះយេស៊ូវមានព្រះបន្ទូលទៅកាន់មិត្តសំឡាញ់ទ្រង់

មិត្តសំឡាញ់ពិសេសៗ របស់ព្រះយេស៊ូវ ភាគច្រើនកំពុងតែជួបជុំគ្នាក្នុងបន្ទប់មួយដែលចាក់សោរទ្វាជិត ។ ពួកគេបានមានការភ័យខ្លាចថា ក្រុមមនុស្សដែលបានសម្លាប់ព្រះយេស៊ូវនឹងព្យាយាមបង្កការឈឺចាប់ដល់ពួកគេដែរ ។

        រំពេចនោះ ព្រះយេស៊ូវបានយាងមកនៅក្នុងបន្ទប់នោះជាមួយពួកគេដែរ ! ទ្រង់មិនបានយាងចូលមកតាមទ្វាទេ ព្រោះទ្វាបានចាក់សោរជិតអស់ហើយ ។ ហើយទ្រង់់ក៏មិនបានយាងចូលមកតាមបង្អួចដែរ ព្រោះបង្អួចសុទ្ធតែបិទជិតទាំងអស់ដែរ ។ គឺទ្រង់ លេចមកតែម្តង !

ព្រះយេស៊ូវបានមានព្រះបន្ទូលថា “សូមអោយសេចក្តីសុខសាន្តនៅជាមួយអ្នករាល់គ្នា” ។ ពួកមិត្តសំឡាញ់របស់ទ្រង់បានភ័យខ្លាចជាខ្លាំង ! គេបានគិតស្មានថា ព្រះយេស៊ូវគឺជាខ្មោច ។ ព្រះយេស៊ូវបានមានព្រះបន្ទូលសូរថា “ហេតុអ្វីបានជាអ្នករាល់គ្នាភ័យខ្លាចដូច្នេះ ? ហេតុអ្វីបានអ្នករាល់គ្នាមិនជឿថា នេះគឺពិតប្រាកដជាខ្ញុំមែន ? ចូរមកប៉ះខ្ញុំ មើលគឺខ្ញុំពិតជានៅមានជីវិតនៅឡើយទេ” ។ ព្រះយេស៊ូវទ្រង់បានបង្ហាញព្រះហស្ថទាំងពីរ និងព្រះបាទាទាំងទ្វេរ(ពីរ)របស់ទ្រង់ ដែលនៅមានស្លាកស្នាមពីពេលដែលទ្រង់ជាប់នៅលើឈើឆ្កាងនោះ ។ ព្រះយេស៊ូវថែមទាំងបានសោយសាច់ត្រីខ្លះជាមួយពួកគេទៀតផង ។ ព្រះយេស៊ូវបានពន្យល់ពួកគេថា ទ្រង់ត្រូវតែសុគតនៅលើឈើឆ្កាងបែបនេះឯង ដើម្បីអោយមនុស្សនៅគ្រប់ទីកន្លែង បានទទួលនូវការអត់ទោសបាបរបស់ពួកគេ ។ ទីបំផុត មិត្តសំឡាញ់ទាំងអស់បានជឿថា ព្រះយេស៊ូវមានព្រះជន្មរស់ឡើងវិញពីតប្រាកដមែន ។ ពួកគេរីករាយជាខ្លាំង !

សូមអានបន្ថែមៈ អេសេគាល ៣៤-៣៥