ព្រះគម្ពីរ ព្រះយេស៊ូវមានព្រះបន្ទូលទៅកាន់នាងម៉ារីនៅក្នុងសួនច្បារ

    នាងម៉ារីមានអារម្មណ៍កើតទុក្ខក្រៀមក្រំជាខ្លាំង ។ នាងបានគិតស្មានថា នាងនឹងលែងឃើញព្រះយេស៊ូវម្តងទៀតហើយ ។ នាងម៉ារីបានធ្វើដំណើរទៅឯផ្នូរដែលជាកន្លែងដែលគេដាក់ព្រះសពព្រះយេស៊ូវនៅទីនោះ ។ នាងម៉ារីចង់យកគ្រឿងទេសខ្លះទៅដាក់ លើព្រះសពរបស់ ព្រះយេស៊ូវ (មនុស្សនៅក្នុងសម័យគម្ពីរប៊ីប គេបានធ្វើដូច្នោះនៅពេលដែលនរណាម្នាក់ស្លាប់) ។

       នៅពេលដែលនាងម៉ារីបានទៅដល់នាង បានឃើញថា ផ្នូរបាននៅទទេ ! ព្រះសពរបស់ព្រះយេស៊ូវមិននៅទីនោះទៀតទេ ។ នាងម៉ារីយំហើយយំទៀត ។ នាងមិនបានដឹងទេថា ព្រះយេស៊ូវ បានមានព្រះជន្មរស់ឡើងវិញហើយ ។ នាងម៉ារីបានឃើញ ទេវតាពីរនាក់ ។ ពួកគេបានសួរនាងថា “ហេតុអ្វីបានជាអ្នកយំដូច្នោះ ?” ។

        នាងម៉ារីបាននិយាយថា “មានគេបានមកយកព្រះសពរបស់ព្រះយេស៊ូវទៅបាត់ហើយ ខ្ញុំមិនដឹងថាគេយកសពនោះទៅទុកនៅទីណាទេ” ។ បន្ទាប់មក នាងម៉ារីបានងាក ក្រោយក៏ឃើញបុរសម្នាក់កំពុងតែឈរនៅទីនោះ ។

        បុរសនោះបាននិយាយឡើងថា “នាងអើយហេតុអ្វីបានជានាងកំពុងតែយំដូច្នោះ ? តើនាងបានកំពុងតែស្វែងរកអ្នកណា ?” ។ នាងម៉ារីបានគិតស្មានថាគាត់ជាអ្នកថែរសួនច្បារ ។

        នាងម៉ារីបានតបទៅវិញថា “លោកម្ចាស់អើយ ប្រសិនបើលោកបានយកទ្រង់ទៅសូមប្រាប់ខ្ញុំផង តើលោកបានទុកទ្រង់នៅឯណា ?” ។

        បុរសនោះបានហៅចំឈ្មោះនាងថា “ម៉ារីអើយ” ។ រំពេចនោះស្រាប់តែនាង ម៉ារីបានដឹងថា ទ្រង់គឺជាព្រះយេស៊ូវ ហើយទ្រង់បានមានព្រះជន្មរស់ឡើងវិញហើយ នាងម៉ារី មានអារម្មណ៍សប្បាយរីករាយយ៉ាងខ្លាំង ! ព្រះយេស៊ូវបានមានព្រះបន្ទូល ទៅកាន់នាងម៉ារី អោយទៅប្រាប់ពួកមិត្តសំឡាញ់របស់ទ្រង់ផង ថា ទ្រង់បានមានព្រះជន្មរស់ឡើងវិញហើយ ។

សូមអានបន្ថែមៈ អេសេគាល ២១-២២