ព្រះគម្ពីរ ព្រះយេស៊ូវសុគតនៅលើឈើឆ្កាង

នៅថ្ងៃមួយនោះ ព្រះយេស៊ូវបានមានបន្ទូលប្រាប់ពួកមិត្តសំឡាញ់ទ្រង់ថា “នៅប៉ុន្មានថ្ងៃខាងមុខនេះ នឹងមានមនុស្សខ្លះមកយកខ្ញុំចេញទៅ ។ ខ្ញុំនឹងត្រូវគេយកទៅធ្វើគុត (សម្លាប់)” ។ ពួកមិត្តសំឡាញ់របស់ព្រះយេស៊ូវកើតទុក្ខក្រៀមក្រំជាខ្លាំង ។ ព្រះយេស៊ូវទ្រង់បានជ្រាបថានេះ គឺជាផ្នែកមួយនៃគម្រោងការរបស់ព្រះជាម្ចាស់ដើម្បីអោយមនុស្សអាចនឹងទទួលបាននូវការអត់ទោសពីការខុសឆ្គងទាំងឡាយ ដែលពួកគេបានប្រព្រឹត្តិ ។ ហើយ ព្រះយេស៊ូវទ្រង់ជ្រាបថា ទ្រង់នឹងមិនសុគតជារៀងរហូតនោះទេ ! ។

មនុស្សដែលចង់សម្លាប់ព្រះយេស៊ូវ គេមិនចូលចិត្តឃើញ មានមនុស្សជាច្រើនស្រឡាញ់ទ្រង់នោះឡើយ ។ នៅពេលដែលមនុស្សទាំងនេះ មកចាប់ព្រះយេស៊ូវ ព្រះអង្គបានអនុញ្ញាត្តិអោយពួកគេយកទ្រង់ទៅ ។ ហើយទ្រង់បានអនុញ្ញាត្តិអោយ ពួកគេធ្វើគុតទ្រង់នៅលើឈើឆ្កាងផង ។

មិត្តសំឡាញ់ព្រះយេស៊ូកើតទុក្ខព្រួយជាខ្លាំង ។ ពួកគេបានយកព្រះសពព្រះយេស៊ូវទៅដាក់នៅខាងក្នុងផ្នូរមួយ ។ ផ្នូរនោះគឺជាបន្ទប់តូចមួយដែលគេដាប់ចេញពី ដីទួលមួយ ។ ពួកមនុស្សប្រុសខ្លះបានដាក់ផ្ទាំងថ្មដ៏ធំមួយនៅខាងមុខមាត់ច្រតផ្នូរនោះ ។ មិត្តសំឡាញ់របស់ព្រះយេស៊ូវកើតទុក្ខក្រៀមក្រំជាខ្លាំង ។ ពួកគេមិនដឹងទេថា នឹងមានហេតុការណ៍ដ៏អស្ចារ្យមួយដែលនឹងកើតឡើងនៅពេលខាងមុខនេះ ។

សូមអានបន្ថែមៈ អេសេគាល ៩