Zacchaeus climbs a tree to see Jesus.
មានមនុស្សជាច្រើនបានដើរតាមព្រះយេស៊ូវ ។ ពួកគេបានមានចិត្តចង់ឃើញនូវអ្វីៗដែលទ្រង់បានធ្វើ និង ចង់ស្តាប់ឮនូវអ្វីៗដែលទ្រង់មានបន្ទូល ។ មានមនុស្សច្រើនណាស់ ដែលធ្វើអោយសាខេមិនអាចមើលឃើញទ្រង់ ។ គាត់បានខំប្រឹងឈរជំទើតជើង ប៉ុន្តែគាត់នៅតែមិនអាចមើលឃើញដដែល ។ គាត់បានខំលោតឡើងចុះៗ ប៉ុន្តែមនុស្ស ដទៃទៀតខ្ពស់ពេក ។ គាត់បានសុំអោយមនុស្សដែលខ្ពស់ៗនោះងាកចេញ បន្តិច ប៉ុន្តែពួកគេមិនបានអើពើ និង គាត់ទេ ។
លោកសាខេមានកំពស់ទាបទពេក ។ ហើយគ្មាន នរណាម្នាក់ នឹងជួយគាត់ទេ ពីព្រោះលោកសាខេបានបោកប្រាស់លុយពួកគេអស់ជាច្រើនមកហើយ ។
នៅទីបំផុត លោកសាខេ បានរត់ទៅមុខហ្វូងបណ្តាជន ។ លោកសាខេបានប្រទះឃើញដើមឈើមួយតាមផ្លូវដែលគាត់បានដឹងថាព្រះយេស៊ូ នឹងយាងកាត់តាមផ្លូវនោះ ។ លោកសាខេបានឡើងដើមឈើនោះ ហើយបានរងចាំមើល ។
ហ្វូងមនុស្សជាច្រើននោះបានខិតចូលមកកាន់តែជិតជាងមុន ។ ឥឡូវនេះលោកសាខេអាចមើលឃើញព្រះយេស៊ូវហើយ ! ព្រះយេស៊ូកំពុងយាងសំដៅមកកាន់ដើមឈើនោះ ។ ព្រះយេស៊ូបានឈប់នៅពីក្រោមដើមឈើនោះ ។ ព្រះយេស៊ូវបានងាកទៅឯលោកសាខេដោយបន្ទូលថា "សាខេ អើយ ចុះមក ខ្ញុំត្រូវស្នាក់នៅផ្ទះរបស់អ្នកនៅថ្ងៃនេះ។" លោកសាខេ រំភើបចិត្តជាខ្លាំង !
លោកសាខេបានចុះពីលើដើមឈើមក ហើយប្រញាប់ទៅផ្ទះជាមួយព្រះយេស៊ូ ។ លោកសាខេ បានមានចិត្តចង់ធ្វើអ្នីៗដែលត្រឹមត្រូវ ។ គាត់បានចែកទ្រព្សសម្បត្តិរបស់ គាត់ពាក់កណ្តាលអោយទៅប្រជាជនក្រីក្រ ។ គាត់បានសន្យាថានឹងសងអោយទៅវិញ ចំនួនបួនដងពីអ្វីៗដែលគាត់បានលួចពីពួកគេទាំងអស់គ្នានោះមក ។ លោកសាខេមានសេចក្តីអំណរជាខ្លាំងដែលព្រះយេស៊ូបានស្រលាញ់គាត់ ។