Jesus tells about a good Samaritan
ព្រះយេស៊ូវ បាននិទានរឿងនេះប្រាប់ថា មានបុរសម្នាក់កំពុងតែធ្វើដំណើរពី ទីក្រុងយេរូសាឡឹមទៅឯទីក្រុងយេរីខូ ពេលនោះគាត់បានត្រូវរបួសដោយសារពួកចោរប្លន់ ។ ពួកចោរបានប្រមួលយករបស់របរទាំងអស់ដែលបុរសនោះមាន ហើយបានវាយគាត់អោយមានរបួស ។ បន្ទាប់មកពួកវាបានចេញបាត់អស់ទៅដោយទុកគាត់ចោលទាំងឈឺចាប់ស្ទើរតែស្លាប់ ។
មានសង្ឃមូយអង្គកំពុងតែដើរចុះមកតាមផ្លូវនោះដែរ ។ កាលគាត់បានឃើញបុរសនោះហើយ នោះគាត់ក៏បានដើរវាងតាមផ្លូវម្ខាងទៀតហួសបាត់ទៅ ។ មានពួកលេវីម្នាក់( ជាអ្នកជំនូយនៅក្នុងព្រះវិហារ ) ក៏បានដើរមកតាមផ្លូវនោះ ហើយក៏ឃើញបុរសរងរបួសនោះ ។ ប៉ុន្ដែពួកលេវីម្នាក់នោះក៏មិនបានជួយបុរសនោះដែរ ។ ក្រោយមកទៀត មានបុរសសាសន៍សាម៉ារីម្នាក់ បានមកដល់កន្លែងបុរសនោះ ។ សាសន៍សាម៉ារីម្នាក់ បានឃើញថាបុរសម្នាក់នោះជាជនជាតិយូដា ។ គាត់បានដឹងថា ជនជាតិយូដា និង សាសន៍សាម៉ារី មិនចូលចិត្តគ្នាទេ ។ ប៉ុន្តែ សាសន៍សាម៉ារីម្នាក់នោះបានឈប់ ហើយបានជួយគាត់ ។ គាត់បានរុំមុខរបួសអោយបុរសនោះ ហើយបានលើកបុរសនោះដាក់លើសត្វលារបស់គាត់ ។ សាសន៍សាម៉ារីនោះ បាននាំគាត់ទៅឯផ្ទះសំណាក់ ។ ហើយគាត់ថែមទាំង បានបង់លុយទៅម្ចាស់ផ្ទះសំណាក់នោះ អោយមើលថែរក្សាបុរសដែលមានរបួសនោះផង ! ។
ព្រះយេស៊ូវ បានមានព្រះបន្ទូលសួរថា " តើអ្នកណាជាអ្នកជិតខាងរបស់បុរសដែលរងរបួសនោះ? " ។ អ្នកដែលជាអ្នកជិតខាងនោះគឺជាអ្នកដែលបានជួយដល់បុរស ដែលបានរងរបួសនោះឯង ។ ព្រះយេស៊ូវទ្រង់ ចង់អោយមនុស្សគ្រប់ៗគ្នាចេះជួយគ្នាទៅ វិញទៅមក បែបដូចច្នេះដែរ ៕