ព្រះគម្ពីរ មានតែបុរសម្នាក់គត់ ដែលនិយាយអរគុណដល់ព្រះយេស៊ូវ

ព្រះយេស៊ូវ និងមិត្តសំឡាញ់របស់ទ្រង់កំពុងតែដើរ ។ នៅពេលដែលពួកគេបានមកជិតដល់ភូមិមួយ មានបុរសខ្លះបានឃើញព្រះយេស៊ូវ ។ បុរសទាំងដប់នាក់នេះមានជំងឺ ម្យ៉ាងហៅថាជំងឺឃ្លង់ ។ បុរសទាំងដប់នាក់នោះមិនបានរត់ទៅឯព្រះយេស៊ូវទេ ពីព្រោះមនុស្សណាដែលមានជំងឺឃ្លង់ ត្រូវតែស្ថិតនៅអោយឆ្ងាយពីគេរាល់គ្នា! នោះគឺជាច្បាប់ ។ ដូច្នេះពួកបុរសឃ្លង់ទាំងនោះបានស្រែកហៅព្រះយេស៊ូវ ។ ពួកគេបាននិយាយថា​​​  "ឱព្រះយេស៊ូវអើយ សូមអាណិតមេត្តាដល់ពួកយើងផង !" ។

     នៅពេលដែលព្រះយេស៊ូវ បានឃើញ និងស្តាប់ឭពួកគេ ទ្រង់ក៏មានបន្ទូលប្រាប់ទៅពួកគេថា អោយទៅបង្ហាញខ្លួនដល់ពួកសង្ឃទៅ ។ ខណៈពេលដែលបុរសសទាំងដប់(១០)នាក់ បានដើរទៅឯពួកសង្ឃ នោះពួកគេបានឃើញថាពួកគេបានជាហើយ ។ គ្មាននរណាមួយ ក្នុងចំណោមពួកគេមានជំងឺឃ្លង់ទៀតឡើយ !

     មានបុរសម្នាក់ក្នុងចំណោមបុរសទាំងដប់(១០)នាក់នោះ បានងាកមកក្រោយ ហើយរត់ត្រឡប់មករកព្រះយេស៊ូវវិញ។ គាត់បានចាប់ផ្តើមសរសសើរតម្កើងព្រះដោយសម្លេងខ្លាំងៗ ។ មនុស្សដទៃទៀត ប្រហែលជាបានឭគាត់ហើយ ។ មនុស្សដទៃទៀតប្រហែលជាមានចិត្តរំភើបហើយដែល ឃើញគាត់មានសុខភាពល្អមិនឈឺដូចមុនដូច្នេះ ។ បុរសនោះបានអរព្រះគុណដល់ព្រះយេស៊ូវដែល បានប្រោសគាត់អោយជា ។

     ព្រះយេស៊ូវ មានបន្ទូលថា "តើខ្ញុំមិនបានប្រោសបុរសទាំងដប់នាក់នោះទេឫ ? តើបុរសប្រាំបួននាក់ទៀតនៅឯណា ? " ។ បន្ទាប់មកព្រះយេស៊ូវ មានព្រះបន្ទូលទៅបុរសដែលត្រឡប់មកវិញនោះថា "ចូរក្រោកឡើងហើយចេញទៅចុះ ជំនឿរបស់អ្នកបាន ធ្វើអោយអ្នកជាហើយ "​ ។ បុរសដែលបានជា នោះសប្បាយចិត្តខ្លាំងណាស់ !

សូមអានបន្ថែមៈ នាងអេសធើរ ១-២