Jesus walks on the water and helps His friends.
មិត្តសម្លាញ់របស់ព្រះយេស៊ូវ ទាំងអស់បាននៅក្នុងទូកមួយនៅឯសមុទ្រកាលីឡេ។ រលកកំពុងតែបក់បោកពីលើ ចំហៀងទូក។ រលកនោះខ្លាំងណាស់ មិត្តសម្លាញ់របស់ព្រះយេស៊ូវ បានខិតខំយ៉ាងខ្លាំងដើម្បីចែវទូក។
រំពេចនោះស្រាប់តែមិត្តសម្លាញ់របស់ព្រះយេស៊ូវ បាននឹកឃើញអ្វីមួយដែលធ្វើអោយពួកគេភ័យខ្លាច! ពួកគេបានឃើញបុរសម្នាក់កំពុងតែដើរលើទឹក។ មិត្តសម្លាញ់របស់ព្រះយេស៊ូវ បានដឹងថាមនុស្សមិនអាចដើរនៅលើទឹកបានទេ។ ពួកគេបានគិតស្មានថា ពួកគេកំពុងតែឃើញខ្មោចហើយ!
ព្រះយេស៊ូវ បានមានព្រះបន្ទូលស្រែកហៅទៅពួកគេថា " កុំខ្លាចអី គឺខ្ញុំទេតើ!"។ នៅពេលដែលលោកពេត្រុសបានដឹងថានោះគឺជាព្រះយេស៊ូវ ដែលកំពុងតែយាងនៅលើទឹក ដូច្នេះលោកពេត្រុសមានចិត្តចង់ដើរចេញពីទូកទៅដល់ទ្រង់ដែរ។ ព្រះយេស៊ូវ បានមានព្រះបន្ទូលប្រាប់ទៅលោកពេត្រុសថាអោយដើរមក។ លោកពេត្រុស បានចាប់ផ្តើមដើរនៅលើទឹកទៅឯព្រះយេស៊ូវ។ នៅពេលដែលលោកពេត្រុសបានក្រលេកមើលទៅរលក នោះគាត់បានភ័យខ្លាចជាខ្លាំង ហើយក៏ចាប់ផ្តើមលិចចុះ។ ព្រះយេស៊ូវ បានចាប់ដៃលោកពេត្រុស ហើយបានទាញគាត់ឡើងមកវិញ។ ពួកគេបានចូលទៅក្នុងទូក ហើយរំពេចនោះសមុទ្រក៏ស្ងប់ទៅ។