A woman touches Jesus and is healed
មានមនុស្សជាច្រើននៅចោមរោមជុំវិញព្រះយេស៊ូ ។ ពួកគេរាល់គ្នាបានមានចិត្តចង់នៅជិតព្រះយេស៊ូ ។ ពួកគេរាល់គ្នាបានមានចិត្តចង់ស្តាប់នូវអ្វីៗដែលទ្រង់មានបន្ទូល ។ ពួកគេរាល់គ្នាមានចិត្តចង់ឃើញនូវអ្វីៗដែលទ្រង់ធ្វើ ។ រំពេចនោះស្រាប់តែ ព្រះយេស៊ូ បានមានព្រះបន្ទូលសួរថា "តើអ្នកណាបានប៉ះខ្ញុំ?" ។
ពួកមិត្តសឡាញ់របស់ព្រះយេស៊ូ បានក្រឡេកមើលជុំវិញ ហើយពួកគេបាននិយាយថា "មានមនុស្សច្រើនណាស់នៅទីនេះ ហើយពួកយើងបានប៉ះទង្គិចគ្នាទៅវិញទៅមកគ្រប់តែគ្នាហ្នឹង" ។
ព្រះយេស៊ូ បានមានបន្ទូលថា"ទេ មាននរណាម្នាក់បានប៉ះខ្ញុំមែន។ខ្ញុំដឹងថាព្រះចេស្តាបានហូរចេញពីខ្ញុំទៅ" ។
មានស្ត្រីម្នាក់បានមកហើយបានឱនក្រាបនៅពីមុខព្រះយេស៊ូ ដោយនិយាយថា "ខ្ញុំបានប៉ះពាល់ទ្រង់មែន ពីព្រោះខ្ញុំចង់ជាពីជំងឺ ។ ខ្ញុំមានជំងឺអស់រយៈពេលជាច្រើនឆ្នាំមកហើយ ។ ពេលដែលខ្ញុំបានប៉ះពាល់ទ្រង់ភ្លាម ខ្ញុំបានដឹងថាខ្ញុំលែងមានជំងឺទៀតហើយ!" ។
ព្រះយេស៊ូ បានញញឹមហើយមានព្រះន្ទូលថា "សេចក្តីជំនឿរបស់អ្នកបានប្រោសអ្នកអោយជាហើយ ។ ចូរទៅប្រកបដោយសេចក្តីសុខសាន្តចុះ" ៕