ព្រះគម្ពីរ ព្រះយេស៊ូវ មានព្រះបន្ទូលថា ចូរមកតាមខ្ញុំ

លោកពេត្រុស និងលោកអនទ្រេ ចូលចិត្តនេសាទណាស់ ។ ពួកគេទៅនេសាទ ជារៀងរាល់ថ្ងៃ ។ ការនេសាទគឺជារបៀបមួយដែលពួកគេរកប្រាក់ចំណូល ។​

    ថ្ងៃមួយ ព្រះយេស៊ូវ បានយាងមកសមុទ្រកាលីឡេ ដែលជាកន្លែងពួកគេនេសាទ ។ មនុស្ស​ជាច្រើនបានយកចិត្តទុកដាក់ស្តាប់ព្រះយេស៊ូវ បង្រៀន ។ មនុស្សម្នារចេះតែមករោមព័ទ្ធទ្រង់ ដើម្បីព្យាយាមខិតមកអោយកាន់តែជិតទ្រង់ ។ ព្រះយេស៊ូវ បានយាងចុះទៅក្នុងទូករបស់លោកពេត្រុស​ និងលោកអនទ្រេ ។ បន្ទាប់មកព្រះយេស៊ូវ បានគង់ (អង្គុយ)ចុះ ហើយបង្រៀនដល់មនុស្សម្នារទាំងអស់  ដែលមកចោមរោម នៅលើមាត់ឆ្នេរ(សមុទ្រ) ។

   នៅពេលព្រះយេស៊ូវ ជជែកជាមួយមនុស្សទាំងអស់នោះចប់ហើយ ព្រះយេស៊ូវ បានមានបន្ទូលប្រាប់ លោកពេត្រុស អោយយកទូកចេញទៅឯទឹកជ្រៅជាមុន ។ បន្ទាប់មកព្រះយេស៊ូវ បានមានបន្ទូលប្រាប់លោកពេត្រុស អោយទំលាក់សំណាញ់របស់គាត់ចុះដើម្បី ចាប់ត្រី ។​

     នៅពេលលោកពេត្រុស និងលោកអនទ្រេ បានទំលាក់សំណាញ់ចុះ ពួកគេបានចាប់បានត្រីជាច្រើន រហូតធ្វើអោយសំណាញ់ធ្លាយ ! លោកពេត្រុស និងលោកអនទ្រេ បានហៅគ្នារបស់ពួកគាត់ ដែលនៅក្នុងទូកផ្សេងទៀតអោយមកជួយពួកគាត់ ។ មានត្រីច្រើនពេក បានជាពេលដែលពួកគេទាញសំណាញ់ ដែលពេញដោយត្រី ចូលទៅក្នុងទូក នោះទូកបានចាប់ផ្តើមលិចចុះ ។ ប្រុសៗទាំងអស់បានអុំទូកទៅកាន់មាត់ច្រាំងយ៉ាងរហ័ស ។

សូមអានបន្ថែមៈ លេវីវិន័យ ២២-២៣