When Jesus is tempted, He obeys God s word.
ថ្ងៃមួយ ព្រះយេស៊ូវ យាងទៅកន្លែងមួយស្ងាត់តែម្នាក់ឯងក្នុងទីរហោរស្ថាន ។ ព្រះយេស៊ូវ ទ្រង់កំពុងតែត្រៀមខ្លួនរួចជាស្រេចដើម្បីធ្វើការងារសំខាន់សម្រាប់ព្រះជាអម្ចាស់ ។ ព្រះយេស៊ូវ ទ្រង់បានគង់នៅទីរហោស្ថាននោះអស់រយៈ៤០ថ្ងៃ ។ ទ្រង់មិនបានសោយអ្វីសោះពេញមួយរយៈពេលនោះ ! នៅចុងគំរប់ថ្ងៃទី៤០ សាតាំងដែលជាសត្រូវរបស់ព្រះជាអម្ចាស់បានមកជួបព្រះយេស៊ូវ ។ សាតាំងវាចង់អោយព្រះយេស៊ូវ ប្រព្រឹត្តអ្វីមួយដែលជាការខុសឆ្គង ។ សាតាំងវាបានដឹងថាព្រះយេស៊ូវ ទ្រង់កំពុងឃ្លានណាស់ ។ សាតាំបានបង្ហាញដុំថ្មមួយដុំដល់ព្រះយេស៊ូវ ។ សាតាំងបាននិយាយថា " ប្រសិនបើអ្នកចង់ អ្នកអាចប្តូរដុំថ្មនេះអោយក្លាយទៅជានំបុ័ងបាន " ។ ប៉ុន្តែ ព្រះយេស៊ូវ បានមានបន្ទូលប្រាប់ទៅសាតាំងថា ជីវិតដ៏ពិតប្រាកដ គឺមកពីព្រះបន្ទូលនៃព្រះវិញ និងរឹតតែមានសារៈសំខាន់ជាងការបរិភោគទៅទៀត។ព្រះយេស៊ូវទ្រង់បានដឹងថាទ្រង់មិនគួរនឹងធ្វើតាមសាតាំងចង់អោយទ្រង់ធ្វើនោះឡើយ ។ សាតាំងមិនបានបញ្ឈប់ឡើយ ។ សាតាំងបាននាំព្រះយេស៊ូវ ទៅដល់កំពូលនៃ អាគារដ៏ខ្ពស់មួយ ។ សាតាំងបាននិយាយថា " ប្រសិនបើអ្នកលោតចុះពីអាគារនេះទៅ នឹងមានទេវតាទាំងឡាយមកសង្គ្រោះអ្នកមិនខាន ដូច្នោះអ្នកអាចបង្ហាញដល់មនុស្សទាំងអស់ថា អ្នកពិតជាព្រះរាជបុត្រានៃព្រះមែន " ។ ប៉ុន្តែ ព្រះយេស៊ូវ ទ្រង់មានបន្ទូលថា " ទេ " ។ ទ្រង់នឹងមិនធ្វើការដ៏ឆ្កួតលីលាណាមួយដោយគ្រាបន់តែចង់បង្ហាញពីសេចក្តីស្រឡាញ់របស់ព្រះចំពោះទ្រង់នោះឡើយ ។ សាតាំងនៅតេមិនបញ្ឈប់ឡើយ ។ សាតាំងបាននាំព្រះយេស៊ូវ ទៅឯកំពូលភ្នំដ៏ខ្ពស់មួយ ។ វាបានបង្ហាញលោកីយ៍ទាំងមូលដល់ព្រះយេស៊ូវ ។ សាតាំងនិយាយទៅកាន់ព្រះយេស៊ូវថា " ប្រសិនបើអ្នកថ្វាយបង្គំខ្ញុំជំនួសព្រះ ខ្ញុំនឹងអោយលោកីយ៍នេះ ទំាងមូលដល់អ្នក " ។ ព្រះយេស៊ូវ មានព្រះបន្ទូលថា "ទេ ព្រះគម្ពីរបាននិយាយថាមនុស្សគួរតែ ថ្វាយបង្គំដល់ព្រះជាម្ចាស់ប៉ុណ្ណោះ" ។ សាតាំងបានល្បួងព្រះយេស៊ូវ ប៉ុន្តែព្រះយេស៊ូវ បានធ្វើនូវអ្វីៗដែលត្រឹមត្រូវ ។ ព្រះយេស៊ូវ បានស្តាប់បង្គាប់តាមព្រះបន្ទូលនៃព្រះជាអម្ចាស់ ៕