ព្រះគម្ពីរ នាងម៉ារា និងលោកយ៉ូសែបស្វែងរកព្រះយេស៊ូវ

   ហ្វូងមនុស្សជាច្រើនបានដើរតាមផ្លូវទៅផ្ទះរបស់ពួកគេរៀងៗខ្លួនវិញ ។ ពួកគេបានទៅទីក្រុងយេរូសាឡឹមដើម្បីធ្វើពីធីបុណ្យពិសេសសមួយ ។ នាងម៉ារា និងលោកយ់ូសែប ក៏នៅទីនោះដែរ ។​ ពួកគេកំពុងតែដើរបណ្តើរ និងជជែកគ្នាបណ្តើរ ជាមួយមិត្តភក្តិរបស់ពួកគេ ។ ពួកគេបានគិតថា ព្រះយេស៊ូវ ក៏បាននៅក្នុងហ្វូងមនុស្សនោះដែរ ។ ពួកគេបានគិតទៀតថា ព្រះយេស៊ូវ កំពុងតែដើរបណ្តើរ និងជជែកគ្នាបណ្តើរ ជាមួយមិត្តភក្តិទាំងឡាយរបស់ទ្រង់ ។

     នាងម៉ារា លោកយ៉ូសែប និងមិត្តភក្តិរបស់ពួកគេបានដើរអស់ពេញមួយថ្ងៃ ។ នៅពេលមេឃចាប់ផ្តើងងឹត នាងម៉ារា និងលោកយ៉ូសែប បានចាប់ផ្តើមដើររកព្រះយេស៊ូវ ។ នាងម៉ារា ប្រហែលជាបានគិតថា ព្រះយេស៊ូវ គួរតែនៅកន្លែងណាមួយនៅម្តុំនេះជានមិនខាន ។ នាងម៉ារា និងលោកយ៉ូសែប រកព្រះយេស៊ូវ មិនឃើញសោះ ។ នាងម៉ារា និងលោកយ៉ូសែប មានការព្រួយចិត្តជាខ្លាំង ។ តើមានរឿងអ្វីកើតឡើងចំពោះព្រះយេស៊ូវ ទេដឹង? តើទ្រង់មានការឈឺចាប់ទេ? តើទ្រង់វង្វេងឬ?

     ពួកគេបានប្រញាប់ប្រញាល់ត្រឡប់ទៅឯក្រុងយេរូសាឡឹមវិញ ។ នាងម៉ារា និងលោកយ៉ូសែប រកមើលហើយ រកមើលទៀត ។ ទីបំផុត ពួកគេរបានរកឃើញព្រះយេស៊ូវ វិញ ។ ទ្រង់កំពុងតែអង្គុយនៅក្នុងព្រះវិហារ! ព្រះយេស៊ូវ កំពុងតែស្តាប់ពួកអាចារ្យ ។​ ព្រះយេស៊ូវ កំពុងតែសួរសំនួរជាច្រើនដល់ពួកគេ ។ ពួកអាចារ្យទាំងអស់បានងឿងឆ្ងល់ចំពោះព្រះយេស៊ូវ យ៉ាងខ្លាំង ។​ ពួកអាចារ្យទាំងអស់កំពុងតែរៀនពីព្រះយេស៊ូវ ទោះបីជាទ្រង់គ្រាន់តែជាក្មេងប្រុសម្នក់នៅឡើយ ក៏ដោយ ។ នាងម៉ារា បានសួរព្រះយេស៊ូវថា " ហេតុអ្វីបានជាកូននៅ ទីនេះអញ្ជឹង? ពួកយើងកំពុងតែដើររកកូន" ។

     ព្រះយេស៊ូវ បានមានបន្ទូលថា "ហេតុអ្វីបានជាអ្នកម្តាយដើររកខ្ញុំ? តើអ្នកម្តាយមិនជ្រាបទេឬអីថា ខ្ញុំត្រូវតែនៅក្នុងដំណាក់នៃព្រះវរបិតាខ្ញុំ?" ។ ព្រះយេស៊ូវ បានទៅផ្ទះវិញជាមួយ និងនាងម៉ារា និងលោកយ៉ូសែប ។ ព្រះយេស៊ូវ បានស្តាប់បង្គាប់ពួកគេ ៕(ក្រិត្យវិន៍យទី៥)

សូមអានបន្ថែមៈ លោកុប្បត្តិ ៣២-២៤