ព្រះគម្ពីរ ព្រះយេស៊ូវ គេចខ្លួនទៅប្រទេសអេស៊ីប

   លោកយ៉ូសែប និងនាងម៉ារា ព្រមទាំងបុត្រតូចព្រះយេស៊ូវ បានគេងលក់ទាំងអស់គ្នានៅក្នុងផ្ទះរបស់ពួកគេ ។ លោកយ៉ូសែបបានមានយល់សប្តិមួយ ។ នៅក្នុងយល់សប្តិ មានទេវតាមួយបានប្រាប់លោកយ៉ូសែបថា អោយក្រោកឡើងជាប្រញាប់ ហើយនាំយកនាងម៉ារា និងបុត្រតូច ទៅឯប្រទេសអេស៊ីបភ្លាម ។ ទេវតាបានប្រាប់ថា បុត្រតូចយេស៊ូវ កំពុងស្ថិតក្នុងគ្រោះថ្នាក់ ពីព្រោះស្តេចហេរ៉ូឌចង់ធ្វើគត់ទ្រង់ ! លោកយ៉ូសែបបានក្រោកពីដំណកឡើង ។ គាត់ ហើយនិងនាងម៉ារា បានវេចឥវ៉ាន់ ដែលពួកគេត្រូវការដាក់ក្នុងបង្វិច ។ ពួកគេបានចាកចេញពីភូមិទៅជាប្រញាប់ជាមួយបុត្រតូចយេស៊ូវ ។ ពួកគេបានធ្វើដំណើរតាមផ្លូវរហូតដល់ប្រទេសអេស៊ីប ។    បន្ទាប់ពីពួកគេបានចាកចេញទៅ ស្តេចហេរ៉ូឌបានបញ្ជូនពួកទាហានរបស់ទ្រង់សម្លាប់ក្មេងប្រុសតូចៗ នៅក្នុងទីក្រុងបេផ្លេហិមចោលទាំងអស់ ! វាជាការដ៏សែនអាក្រក់មួយដែលស្តេចហេរ៉ូឌបានធ្វើ ។ ស្តេចហេរ៉ូឌ គឺជាបុរសដែលកាចសាហាវណាស់ ។ ប៉ុន្តែ ព្រះយេស៊ូវ ទ្រង់មានសុវត្ថភាពហើយ ។ ព្រះបានការពារបុត្រតូច យេស៊ូវ ។ លោកយ៉ូសែប នាងម៉ារា និងបុត្រតូចយេស៊ូវ បានស្នាក់នៅប្រទេសអេស៊ីបរហូតទាល់តែស្តេចហេរ៉ូឌបានសុគត់ទៅ ។ បន្ទាប់មក ទេវតាបានប្រាប់ លោកយ៉ូសែបថា មានសុវត្ថភាពសម្រាប់ពួកគេវិលត្រឡប់ទៅផ្ទះវិញហើយ ។ ពួកគេបានទៅរស់នៅក្នុងភូមិណាសារ៉ែត ៕

សូមអានបន្ថែមៈ លោកុប្បត្តិ ១២-១៥