ព្រះគម្ពីរ លោកនេហេមាសាងសង់កំផែងឡើងវិញ

  លោកនេហេមាគឺជាអ្នកជំនួយការពិសេសម្នាក់របស់ស្តេច ។ នៅថ្ងៃមួយបងប្អូនលោកនេហេមាបានមកពីឆ្ងាយ ដើម្បីសួរសុខទុក្ខគាត់ ក៏តាំងរៀបរាប់ថា "ទីក្រុងដែលយើងធ្លាប់រស់នៅកាលពីមុន មានកំផែងរឹមាំជាច្រើន ។ ប៉ុន្តែ កំផែងទាំងនោះបានបាក់បែកអស់ហើយ ។ ដូចនេះ ទីក្រុមលែងមានសុវត្ថភាពទៀតហើយ " ។

         លោកនេហេមាបានមានចិត្តក្រៀមក្រំណាស់ ។ ដូច្នេះលោកនេហេមា បានអធិស្ឋានទៅព្រះជាម្ចាស់ ។

   នៅពេលស្តេចបានឃើញលោកនេហេមា ទ្រង់បានសួរលោកថា "ហេតុអ្វីបានជាឯងក្រៀមក្រំម្លេះ? " ។ លោកនេហេមាបាននិយាយឡើងថា "ទូលបង្គំក្រៀមក្រំក៏ព្រោះតែកំផែងជុំវិញទីក្រុងរបស់ទូលបង្គំត្រូវបានរលំបាក់បែកអស់ហើយ " ។

       ស្តេចទ្រង់បានមានព្រះបន្ទូលថា "ឯងអាចត្រឡប់ទៅជួយប្រជាជនរបស់ឯងសាងសង់កំផែងឡើងវិញបាន ពេលបញ្ចប់វារួចហើយ ឯងត្រូវត្រឡប់មកវិញ " ។ លោកនេហេមាសប្បាយចិត្តណាស់ ។

    នៅពេលដែលលោកនេហេមាបានមកដល់ទីក្រុង គាត់បាននិយាយទៅកាន់ប្រជារាស្ត្រទាំងអស់ថា "យើងអាចសាងសង់កំផែងនេះឡើងវិញបាន យើងអាចធ្វើអោយរឹងមាំឡើងវិញបាន " ។

      មនុស្សគ្រប់គ្នាៗបានធ្វើការជាមួយគ្នា។ប៉ុន្មានថ្ងៃក្រោយមក(មានចំនួន ៥២ថ្ងៃ) កំផែងត្រូវបានសង់រួចរាល់ ។ មនុស្សគ្រប់ៗគ្នាបានមានចិត្តរីករាយណាស់ ដែលបានឃើញកំផែងនោះ ។ ហើយលោកនេហេមាមានចិត្តរីករាយណាស់ដែលព្រះជាម្ចាស់បានស្តាប់ឮការអធិស្ឋានរបស់គាត់ ៕