ព្រះគម្ពីរ លោកដានីយ៉ែល និងមិត្តរបស់គាត់ជ្រើសរើសស្តាប់បង្គាប់ព្រះអម្ចាស់

ទំព័រដើម / ព្រះបន្ទូល​ប្រចាំថ្ងៃ / ថ្ងៃសៅរ៍ ទី​១៩ ខែតុលា ឆ្នាំ២០២៤

ដានីយ៉ែល ១:១-២១ Daniel 1:1-21
Daniel and his friends choose to obey God.

លោកដានីយ៉ែល និងមិត្តភក្តិរបស់គាត់ទាំងអស់ត្រូវបានគេនាំខ្លូនទៅឯរាជវាំងមួយយ៉ាងឆ្ងាយ ។ ព្រះមហាក្សត្រ(ស្តេច) បានសព្វព្រះហឫទ័យអោយពួកគេរៀនសូត្រ ដើម្បីធ្វើការសំរាប់ទ្រង់ ។ ព្រះមហាក្សត្របានប្រទានម្ហូបអាហារពិសសេសៗដល់ពួកគេ ។ លោកដានីយ៉ែល និងមិត្តភក្តិរបស់គាត់បានដឹងថា ព្រះអម្ចាស់មិនបានសព្វព្រហឫទ័យ អោយពួកគេបរិភោគប្រភេទអាហារដែលព្រះមហាក្សត្របានប្រទានអោយពួកគេនោះឡើយ។       លោកដានីយ៉ែល និងមិត្តភក្តិរបស់គាត់បានមានចិត្តខំស្តាប់បង្គាប់ព្រះ ។ លោកដានីយ៉ែលបានសុំអ្នកជំនួយការរស់ស្តេចថា សូមអោយតែបន្លែ និងទឹកផឹកតែប៉ុណ្ណោះ ដល់មិត្តរបស់គាត់ ហើយនិងគាត់ ។ អ្នកជំនួយការរបស់ស្តេចភ័យខ្លាចថា  លោកដានីយ៉ែល និងមិត្តភក្តិរបស់គាត់នឹងមិនមានសុខភាពល្អដូចពួកប្រុសៗផ្សេងៗទៀត ដែលកំពុងរៀនសូត្រដើម្បីធ្វើការអោយស្តេចដែរ ។ អ្នកជំនួយការរបស់ស្តេចដឹងថា ស្តេចទ្រង់នឹងខ្ញាល់មិនខាន ប្រសិនបើ  លោកដានីយ៉ែល និងមិត្តភក្តិរបស់គាត់មិនមានសុខភាបល្អនោះ ។

     លោកដានីយ៉ែលបាននិយាយឡើងថា "សូមលោកសាកល្បងពួកយើងសំរាប់រយៈពេលដប់ថ្ងៃមើល លោកគ្រាន់តែអោយបន្លែគ្រប់ប្រភេទ និងទឹកផឹកមកពួកយើង ហើយចាំមើលថា តើអ្នកណាដែលមានសុខភាពល្អជាងគេបំផុតនោះ ខ្ញុំ និងមិត្តរបស់ខ្ញុំ ឫក៏ពួកគេ " ។ អ្នកជំនួយការរស់ស្តេចបានយល់ព្រម ដើម្បីសាកល្បងពួកគេ។

     រយៈពេលដប់ថ្ងៃក្រោយមក  លោកដានីយ៉ែល និងមិត្តភក្តិរបស់គាត់ មើលទៅគឺមានសុខភាពល្អជាងយុវជនឯទៀតៗ ។ ព្រះជាម្ចាស់បានជួយលោកដានីយ៉ែល និងមិត្តរបស់គាត់ទាំងអស់ ។ ព្រះមហាក្សត្របានសព្វព្រះហឫទ័យជាមួយលោកដានីយ៉ែល និងមិត្តរបស់គាត់ទាំងអស់ ។ ទ្រង់បានប្រទានការងារសំខាន់ៗអោយទៅពួកគេ ។