ព្រះគម្ពីរ ស្តេចបំផ្លាញក្រាំងព្រះបន្ទូលរបស់ព្រះអម្ចាស់

ទំព័រដើម / ព្រះបន្ទូល​ប្រចាំថ្ងៃ / ថ្ងៃសៅរ៍ ទី​១២ ខែតុលា ឆ្នាំ២០២៤

យេរេមា ៣៦:១-៣២ Jeremiah 36:1-32
The King destroys the scroll of God s Words.

ព្រះអម្ចាស់មានព្រះបន្ទូលប្រាប់លោកយេរេមា នូវកិច្ចការខ្លះ អោយលោកសរេសរទុក។ លោកយេរេមា បានហៅមិត្តភក្តិរបស់គាត់ម្នាក់ឈ្មោះបារូក អោយមកជួយសរសេរព្រះបន្ទូលនៃព្រះអម្ចាស់ទុក តាមដែលព្រះអម្ចាស់មានព្រះបន្ទូលប្រាប់លោយេរេមា។ លោកបារូក បានកត់ត្រាទុកនូវអ្វីៗទាំងអស់ ដែលលោកយេរេមា បានប្រាប់គាត់នោះ យ៉ាងប្រុងប្រយ័ត្ន។

     បន្ទាប់មក លោកយេរេមា បានប្រាប់លោកបារូក អោយយកក្រាំងដែលលោកបានកត់ត្រានោះទៅ។ ហើយអោយអានក្នុងព្រះវិហារ ដើម្បីអោយមនុស្សទាំងអស់បានឮព្រះបន្ទូលនៃព្រះអម្ចាស់។ មនុស្សខ្លះដែលបានធ្វើការអោយស្តេចបានឮនូវអ្វីៗ ដែលលោកបារូក បានអាននោះដែរ។ ពួកគេបានសុំលោកបារូកអោយប្រគល់ក្រាំងនោះ ទៅពួកគេ។ បន្ទាប់មក ពួកគេបានប្រាប់លោកបារូក និងលោកយេរេមា អោយទៅលាក់ខ្លួនទៅ ពីព្រោះពួកគេបានដឹងថា នៅពេលដែលស្តេចទ្រង់បានឮព្រះបន្ទូលនៃព្រះអម្ចាស់នោះ ហើយទ្រង់នឹងខ្ញាល់មិនខាន។

     មនុស្សដែលបានធ្វើការអោយស្តេចបានយកក្រាំងនោះទៅអានអោយស្តេចស្តាប់។ ស្តេចទ្រង់មិនបានសព្វព្រះហឫទ័យនឹងឮនូវអ្វីៗ ដែលព្រះអម្ចាស់មានព្រះបន្ទូលនោះឡើយ។ ស្តេចនោះ បានកាត់ក្រាំងនោះចោល ហើយទ្រង់បានបោះវាចូលទៅក្នុងភ្លើងទៅ ! ស្តេចបានព្យាយាមដាក់លោកបារូក និងលោកយេរេមា​ នៅក្នុងគុក ប៉ុន្តែ ព្រះអម្ចាស់បានការពារពួកគេវិញ។ បន្ទាប់មក ព្រះអម្ចាស់បានមានព្រះបន្ទូលប្រាប់លោកយេរេមា អោយទៅប្រាប់លោកបារូក អោយកត់ត្រាព្រះបន្ទូលទាំងនេះម្តងទៀត។ ព្រះបន្ទូលទាំងអស់នោះ គឺនៅតែមាននៅក្នុងព្រះគម្ពីរ របស់ពួកយើងសព្វថ្ងៃនេះឯង! ៕