ព្រះគម្ពីរ លោកយ៉ូណាសអធិប្បាយនៅក្នុងក្រុងនីនីវេ

 ព្រះជាម្ចាស់មានព្រះបន្ទូលប្រាប់លោកយ៉ូណាសថា " ចូរទៅឯក្រុងនីនីវេ ហើយប្រាប់ប្រជាជននៅទីនោះអំពីអញភ្លាម " ។ លោកយ៉ូណាសមិនបានស្តាប់តាមបង្គាប់របស់ព្រះជាម្ចាស់នៅពេលដំបូង ដែលព្រះជាម្ចាស់បានមានបន្ទូលប្រាប់គាត់អោយទៅនោះឡើយ ។ ប៉ុន្តែ បន្ទាប់ពីចំណាយពេលបីថ្ងៃនៅខាងក្នុងពោះសត្វត្រីដ៏ធំមួយនោះមក លោកយ៉ូណាសបានធ្វើតាមអ្វីៗដែលព្រះជាម្ចាស់បានមានព្រះបន្ទូលបា្រប់វិញ ។

     លោកយ៉ូណាស បានទៅឯក្រុងធំ នីនីវេ ។ លោកយ៉ូណាស បានចាប់ផ្តើមដើរកាត់ក្នុងទីក្រុងនោះ ។ លោកយ៉ូណាស់បានដើរអស់បីថ្ងៃ ។ ខណៈពេលដែលគាត់បានដើរនៅទីនោះ លោកយ៉ូណាសបានប្រាប់មនុស្សនៅទីនោះអំពីព្រះជាម្ចាស់ ។

    មនុស្សនៃទីក្រុងនីនីវេ បានស្តាប់តាមលោកយ៉ូណាស ។ ពួកគេបានដឹងថា ពួកគេបានធ្វើអាក្រក់ជាច្រើនមែន ។ ពួកគេដឹងថាព្រះទ្រង់ មិនសប្បាយព្រះទ័យទេ ។ មនុស្សនៅទីក្រុងនីនីវេ មានការសោកស្តាយខ្លាំងណស់ ។ ពួកគេបានឈប់បរិភោគអាហារ ។ ពួកគេមិនបានស្លៀកពាក់សំលៀកបំពាក់ល្អប្រណិតៗឡើយ ។ ពួកគេបានឈប់ធ្វើការអាក្រក់ៗទៀត។ ពួកគេបានទូលសុំអោយព្រះជាម្ចាស់លើកលែងទោសពួកគេ។ ព្រះជាម្ចាស់សព្វព្រះហឫទ័យខ្លាំងណាស់ ដែលមនុស្សនៅទីក្រុងនីនីវេ បានស្តាប់តាមទ្រង់។ ព្រះបានលើកលែងទោសអោយពួកគេសំរាប់ការអាក្រក់ទាំងឡាយ​ ដែលពួកគេបានធ្វើ៕