Naaman is healded.
លោកណាម៉ាន់គឺជាមេទ័ពដ៏សំខាន់ម្នាក់ ។ ប៉ុន្ដែស្បែករបស់គាត់មានជំងឺដ៏អាក្រក់មួយ ។ គាត់ត្រូវការអោយបានជាវិញ ។ ស្រ្ដីអ្នកបំរើរបស់លោកណាម៉ាន់បានប្រាប់គាត់ថា“លោកអេលីសេ ដែលជាហោរាព្រះជាម្ចាស់អាចជួយលោកបាន” ។ លោកណាម៉ាន់បានប្រមែប្រមូលមាសនិងប្រាក់ព្រម ទាំងសំលៀកបំពាក់ជាច្រើនមក ។ លោកណាម៉ាន់បានយកអំណោយ ទាំងនោះទៅឯលោកអេលីសេ ។ លោកណាម៉ាន់បានមានចិត្តចង់អោយលោកអេលីសេ ធ្វើអ្វីមួយពិសេសដើម្បីធ្វើអោយគាត់បានជាសះស្បើយឡើងវិញ ។ ប៉ុន្ដែលោក អេលីសេ មិនទាំងបាននិយាយជាមួយលោកណាម៉ាន់ផង ។ លោកអេលីសេបានបញ្ជួនអ្នកបំរើ របស់គាត់អោយទៅនិយាយជាមួយ លោកណាម៉ាន់ ។ អ្នកបំរើរបស់លោកអេលីសេបានប្រាប់ លោកណាម៉ាន់ថា អោយទៅ មុជទឹកនៅក្នុងទន្លេយ័រដាន់ប្រាំពីរដងទៅ ។
លោកណាម៉ាន់បានខឹងយ៉ាងខ្លាំង ។ ទន្លេយ័រដាន់ សុទ្ធតែភក់ ។ លោកណាម៉ាន់មិនបានគិតថា នឹងធ្វើតាមអ្វីដែលលោកអេលីសេបាននិយាយថានឹងអាចជួយគាត់អោយបានជាសះស្បើយនោះទេ ។ លោកណាម៉ាន់បានចាប់ផ្ដើមទៅផ្ទះវិញ ។ប៉ុន្ដែ អ្នកបំរើរបស់លោកណាម៉ាន់ បានអង្វរគាត់អោយធ្វើតាមអ្វីដែលអ្នកបំរើរបស់លោកអេលីសេបាននិយាយនោះវិញ ។ លោកណាម៉ាន់មិនចង់ធ្វើតាមទេ ប៉ុន្ដែគាត់ក៏បានប្រែចិត្ដធ្វើតាមវិញ ។ លោកណាម៉ាន់ បានជ្រមុជទឹកមួយដងពីរដង បីដង បួនដង ប្រាំដង ប្រាំមួយដង ប្រាំពីរដង ។
ឥឡូវនេះស្បែករបស់លោកណាម៉ាន់បាជាស្អាតឡើងវិញហើយ ! លោកណាម៉ាន់ សប្បាយ ចិត្ដណាស់ ។ គាត់បានវិលត្រឡប់ទៅឯផ្ទះរបស់លោកអេលីសេវិញ ។ លោកណាម៉ាន់ បាននិយាយថា "សូមលោកទទួលអំណោយទាំងអស់នេះផង " ។ លោកអេលីសេ បាននិយាយថា “ទេ ព្រះទេតើដែលជាអ្នកធ្វើអោយអ្នកបានជាវិញនោះ ។ ខ្ញុំគ្រាន់តែបំរើព្រះប៉ុណ្ណោះ” ។ លោកណាម៉ាន់បានសន្យាថា នឹងថ្វាយបង្គំព្រះដែរ ។