Elijah goes to heaven.
លោកអេលីយ៉ា គឺជាហោរាសំខាន់ម្នាក់ ដែលបានប្រាប់មនុស្សអំពីដំណឹងដែលមកពីព្រះជាម្ចាស់ ។ ប៉ុន្ដែ ឥឡូវនេះដល់ពេលវេលាដែលលោកអេលីយ៉ាត្រូវតែចាកចេញទៅស្ថានសួគ៌ហើយ ។ លោកអេលីយ៉ា នឹងលោកអេលីសេបានដើរជាមួយគ្នា ។ ពួកគេបានឆ្លងកាត់ទន្លេមួយ ។ លោកអេលីយ៉ា បាននិយាយថា “ប្រសិនបើ ព្រះអនុញ្ញាតិអោយអ្នកមើលឃើញខ្ញុំ នៅពេលដែលខ្ញុំឡើងទៅស្ថានសួគ៌នោះ អ្នកនឹងត្រូវបន្ដតំណែងការងារ របស់ខ្ញុំហើយ ។
រំពេចនោះស្រាប់តែ មានរាជរថមួយ និងមានសេះខ្លះដែលមើលទៅដូចជាភ្លើងបានឆាបចុះមកពីលើមេឃ ! ពេលនោះលោកអេលីយ៉ា បានទៅស្ថានសួគ៌តាមខ្យល់គួចមួយនោះទៅ ។ អ្វីដែលនៅសេសសល់ គឺជាអាវធំ របស់លោកអេលីយ៉ាដែលបានធ្លាក់ចុះមកលើដីវិញ ។ លោកអេលីសេ ក៏បានរើសអាវនោះឡើង ។
លោកអេលីសេ បានឃើញរាជរថ និងសេះទាំងនោះ ។ គឺវាគួរអោយអស្ចារ្យណាស់! តែលោកអេលីសេ បាន ក្រៀមក្រំចិត្តណាស់ ដែលលោអេលីយ៉ា នឹងលែងបាននៅជាមួយគាត់តទៅទៀតដូច្នេះ ។ ប៉ុន្ដែឥឡូវនេះលោកអេលីសេ បានការងារមួយដ៏សំខាន់ដែលត្រូវធ្វើ ។ លោកអេលីសេ បានដឹងថាព្រះទ្រង់បានគង់ជាមួយគាត់ ហើយនឹងជួយគាត់មិនខាន ៕
កំណត់សំគាល់ៈ
លោកអេលីសេ គឺជាបុរសម្នាក់ ដែលព្រះជាម្ចាស់បានត្រាស់ហៅអោយធ្វើជាហោរារបស់ព្រះជាម្ចាស់បន្ទាប់ពីលោកអេលីយ៉ា ។ គាត់គឺជាសិស្សរបស់លោកអេលីយ៉ា ។