Rahab helps two spies
លោកយ៉ូសេ្វ គឺជាអ្នកដឹកនាំថ្មីលើប្រជារាស្រ្តរបស់ព្រះអម្ចាស់។ ព្រះអម្ចាស់ មានព្រះបន្ទូលប្រាប់លោកយ៉ូស្វេ អោយដឹកនាំប្រជារាស្រ្តទៅក្នុងទឹកដីសន្យា។ ព្រះអម្ចាស់សន្យាថានឹងគង់នៅជាមួយលោកយ៉ូស្វេ(យ៉ូសេ្វ ១:៩)។ ព្រះអង្គមានបន្ទូលថា"ចូររឹងមាំហើយក្លាហានឡើង" ។
លោកយ៉ូសេ្វ បានបញ្ជូនអ្នកស៊ើបការណ៍ពីរនាក់ អោយទៅឯទីក្រុងយេរីខូរ ដើម្បីពិនិត្យមើលទឹកដីនោះ។ ស្តេច នៃក្រុងយេរីខូរ បានលឺដំណឹងអំពីអ្នកស៊ើបការណ៍ទាំងពីរនាក់នោះ ក៏បញ្ជួនទាហានទៅស្វែងរកអ្នកទាំងពីរនោះ។ រីឯអ្នកស៊ើបការណ៍ទាំងពីរនាក់ គេស្នាក់នៅផ្ទះរបស់ស្រ្ដីមា្នក់ឈ្នោះ រ៉ាហាប ។ នាងបានលាក់ពួកគេនៅលើដំបូលផ្ទះរបស់នាង នៅក្រោមគំនរដើមឆ្មៃ។ នៅពេលដែលពួកទាហានបានមកដល់់ផ្ទះរបស់នាង នាងបានប្រាប់ទាហានថា បុរសទាំងពីរនាក់នោះបានចាកចេញពីទីក្រុងបាត់ទៅហើយ ។
ពួកទាហានក៏ប្រញាប់ចេញពីទីក្រុងភា្លម ដើម្បីតាមរកអ្នកស៊ើបការណ៍ទាំងពីរនាក់នោះ ។ បន្ទាប់មក នាង រ៉ាហាប បានជួយអ្នកស៊ើបការណ៍ អោយគេចខ្លួនទៅ។ ផ្ទះរបស់នាងស្ថិតនៅលើកំផែងនៃទីក្រុង។ អ្នកស៊ើការណ៍ទាំងពីរបានប្រើខែ្សពួរ ហើយក៏សំរូតចុះតាមកំផែងទីក្រុងមក។ នាង រ៉ាហាប បានសុំអោយអ្នកស៊ើបការណ៍ទាំងពីរ រក្សាសុវត្តិភាពអោយនាងផង នៅពេលដែលពួកគេមកកាន់កាប់ទឹកដីនេះ។ អ្នកស៊ើបការណ៍ ក៏បានសន្យាថា គ្មានអ្នកណាមួយនៅក្នុងផ្ទះរបស់នាងទទួលការឈឺចាប់ឡើយ ប្រសិនបើនាងព្យួរខែ្សពួរនៅលើបង្អួចធ្វើជាសញ្ញា ៕