ព្រះគម្ពីរ លោកម៉ូសេបញ្ជូនអ្នកស៊ើបការណ៍ដប់ពីរនាក់ទៅកាន់ទឹកដីសន្យា

 លោកម៉ូសេបានបញ្ចូនបុរសដប់ពីរនាក់ អោយទៅអង្កេតមើលទឹកដី ដែលព្រះបានសន្យាថា អោយជនជាតិអ៊ីស្រាអែលនោះ។ បុរសទាំងនោះបានអង្កេតមើលទីក្រុង និង ទីប្រជុំជន ទាំឡាយ។ ពួកគេបានឃើញចំណីអាហារល្អៗដែលដុះលូតលាស់នៅក្នុងទឹកដីនោះ។ ហើយពួកគេបានឃើញប្រជាជនដែលរស់នៅទឹកដីនោះដែរ។

      បុរស់ទាំងដប់ពីរនាក់ក៏បានត្រលប់មកជួបលោកម៉ូសេវិញ។ ពួកគេបានយកចំណីអាហារល្អ!ពីទឹកដីសន្យាមកដែរ។ មានបុរសដប់នាក់ក្នុងចំណោមពួកគេមាចិត្តភ័យខ្លាច។ ពួគេនិយាយថា មនុស្សដែលរស់នៅទឹកដីនោះ មានកំលាំងខ្លាំងណាស់សំរាប់ពួកគេ។ ពួកគេមិនបានទុកចិត្តលើព្រះអម្ចាស់ ដើម្បីជូយពួកគេអោយរស់នៅក្នុងទឹកដីនោះឡើយ។

       ប៉ុន្ដែមានបុរសពីរនាក់ក្នុងចំណោមពួកគេ គឺលោក យ៉ូស្វេ និ​ងលោក កាលែប បានដឹងថាព្រះអម្ចាស់និងរក្សាព្រះបន្ទូលសន្យារបស់ព្រះអង្គ ដើម្បីនិងប្រទានទឹកដីនោះដល់ពួកគេមិនខាន។ អ្នកទាំងពីរបានប្រាប់ប្រជាជនថា " កុំអោយភ័យខ្លាចអី "។ ប៉ុន្ដែ ប្រជាជនអ៊ីស្រាអែលមិនបានជឿតាមលោក យ៉ូស្វេ និង លោកកាលែបទេ។

       ព្រះអម្ចាស់បានមានព្រះបន្ទូលថាប្រជាជនមិនទុកចិត្តលើទ្រង់សោះ ដូច្នេះពួកគេនឹងមិនអាចចូលទៅក្នុងទឹកដីសន្យាបានទេ គឺក្នុងរយៈពេលមូយដ៏យូរ។ ប្រជាជនទាំងអស់ត្រូវតែរស់នៅក្នុងវាលរហោស្ថានជាច្រើនឆ្នាំ(៤០ឆ្នាំ)។ ប៉ុន្ដែ ព្រះអម្ចាស់មានព្រះបន្ទូលសន្យាថា លោកយ៉ូស្វេ នឹង លោកកាលែប នឹងចូលទៅក្នុងទឹកដីសន្យាបាន ដោយព្រោះពួកគេបាន ទុកចិត្តលើព្រះអម្ចាស់។